हलेसी सामुदायिक वनमा लागेको आगोले भयनक रुपलिँदै, २४ घण्टा विती सक्दा पनि नियन्त्रणमा आउन सकेन
चन्द्र खडका
जिरी २६ चैत्र । दोलखाको जिरी नगरपालिका वडा नंं २ स्थित हलेसी सामुदायिक वनमा लागेको आगो २४ घण्टा विति सक्दा पनि नियन्त्रणमा आउन सकेको छैन । २५ गते विहिबार दिउँसोबाट सुरु भएको आगो नियन्त्रणमा नआउँदा अहिले आगोले भयनक रुप लिइरहेको छ ।
बिहीबार बेलुकासम्ममा डढेलोले देउढङ्ग कबुलियती वन र हलेसी सामुदायिक वनको पूर्ण रुपमा ध्वस्त भएको छ । विहानैबाट स्थानीयहरुले आगो नियन्त्रणमा लिन खोजे पनि ठूलो भूभागमा फैलिएको आगो दिउँसोबाट अनियन्त्रीत बनेको छ । अहिले आगो स्थानीय दाक्चे भिरमा र माथिल्लो भागबाट घाउखानी सामुदायिक वनमा पुगेको छ भने उत्तर पटिबाट हलेश्वरी निमावीको आसपास पुगेको भने पश्चिमबाट होमडाँढा सामुदायिक वन र सिङलोमु कबुलियति वनको सिमानामा पुगेको छ ।
आगोलागीबाट करोडौँ मूल्यको रुख तथा विरुवा जलेर नष्ट भईसकेको छ भने बन्यजन्तुहरु समेत आगोले मरेको स्थानीयहरुले बताएका छन् । आगोलागी भएको २४ घण्टा भन्दा बढि समय हुँदा समेत सरकारी स्तरबाट आगो निभाउन कुनै पहल नभएको भन्दै सर्वसाधारणहरुले आक्रोस पोखेका छन् । आगो नियन्त्रणमा नआए च्योर्दुङ्ग वनमा पस्ने खतरा बढेको छ ।
यता इलाका वन कार्यालय जिरीका प्रमुख मित्रबहादुर जिरेलका अनुसार जिरी ब्यारेकबाट नेपाली सेना गुहारी आगो नियन्त्रणका लागि पठाउने तयारी भईरहेको छ । २५ गते दिउँसो स्थानीयहरुले आगो नियन्त्रणमा लिन खोजे पनि हावाहुरीका कारण आगो नियन्त्रण बाहिर गएको थियो ।
आगो लागेको तीन घण्टा पछि आगो निभाउनका लागि इलाका प्रहरी कार्यालय जिरीबाट प्रहरीको टोली गएको थियो तर साँझसम्ममा आगो नियन्त्रणमा आउन नसके पछि स्थानीय र प्रहरी फर्किएका थिए । आगो नियन्त्रणका लागि गएको ४ जना स्थानीय माथीबाट खसेको ढुङ्गले लागेर घाईते भएका छन् । आगो के कसरी लागेको भन्नेबारे केही खुल्न सकेको छैन । आगोलागीको कारण अहिले जिरी नगरपालिकाको वडा नं. २ र ३ पुरै अन्धाकार बनेको छ ।
0 comments
Write Down Your Responses
Note: Only a member of this blog may post a comment.