तीन करोडको लगानीमा ठूलो सिरुवारीमा हेल्प जर्मन र टुकी संघको एकिकृत परियोजना सुरु
काठमाडौं, १२ जेठ । भूकम्प पश्चात निरन्तर रुपमा सिन्धुपाल्चोकको ठूलो सिरुवारीमा मानवीय सहायताका बिभिन्न कार्यक्रम गर्दै आइरहेको हेल्प जर्मनले स्थानीय टुकी संघ सुनकोशी संघको साझेदारीमा बृहत परियोजना सुरुवात गरेको छ ।
संस्थाले परियोजनाको पहिलो चरण अन्तर्गत ४ महिनाका लागि ठूलोसिरुवारीका जनताहरुको सामाजिक तथा आर्थिक बिकास गर्ने हेतुले शिक्षा,सरसफाई तथा स्वच्छता, विद्यालय भवनहरुको मर्मत, जिविकोपार्जन तथा बिपद जोखिम न्यूनिकरण लगाएतका कार्यक्रम गर्ने भएको छ । यसका लागि ३ करोड १४ लाख ११ हजार २ सय रुपैयाँ रकम खर्चिने जनाएको छ ।
कोतडाँडा स्थित सेतीदेवी उच्च माविमा आयोजित ‘बजेट सार्वजनिकिकरण कार्यक्रम’मा परियोजना सम्बन्धि क्रियाकलाप तथा बजेटको प्रस्तुतीकरण गर्दै औपचारिक रुपमा परियोजना संचालन भएको घोषणा गरिएको हो ।
टुकी संघका कार्यक्रम अधिकृत अन्जु थापाले कार्यक्रम तथा लागत खर्च बिवरणमाथी स्थानीयबासीहरुले आवस्यक राय प्रकट गरेका थिए । गाबिस सचिव दुर्गा प्रसाद ढुङगेलले संस्थामार्फत हुने कार्यक्रम र कार्यक्रमका लागि बिनियोजित बजेटको बारेमा लक्षित बर्ग सुसुचित हुनु पर्नेमा जोड दिए ।
टुकी संघका कार्यक्रम अधिकृत अन्जु थापाले कार्यक्रम तथा लागत खर्च बिवरणमाथी स्थानीयबासीहरुले आवस्यक राय प्रकट गरेका थिए । गाबिस सचिव दुर्गा प्रसाद ढुङगेलले संस्थामार्फत हुने कार्यक्रम र कार्यक्रमका लागि बिनियोजित बजेटको बारेमा लक्षित बर्ग सुसुचित हुनु पर्नेमा जोड दिए ।
हेल्प र टुकीले संचालन गरेको सो परियोजनाले भुकम्पको चोटले थलिएका ठूलोसिरुवारीबासीको घाउमा मलमको काम गर्ने बताउँदै गाविस सचिव ढुङगेलले भने ‘यो परियोजनाले हामीलाई भुकम्प अगाडीको अवस्थामा फर्काउन जेनतेन मद्दत गर्नेछ ।’
टुकी संघका कार्यक्रम संयोजक यज्ञराज कार्कीले पारदर्शी रुपमा काम गर्न र गराउनका निमित्त स्थानीयबासी आफै सजक र जागृत हुनु पर्नेमा जोड दिए । ‘हाम्रो संस्था मार्फत हुने सबै कार्यक्रम र सो कार्यक्रमको लागत बारे तपाईहरुले प्रश्न तेस्र्याउनु भएन भने हामी मनोमानी ढंगले अगाडी बढ्न सक्छौं त्यसैले हामीलाई सजक बनाउनु तपाईहरुको जिम्मेवारी हो ।’ संयोजक कार्कीले भने ‘हामी पारदर्शी रुपमा अगाडी बढ्न चाहन्छौं तपाईहरुले सहयोग गरिदिनुहोस् ।’
परियोजना अन्तर्गत नसमेटिएको गाउँ बाल संरक्षण समितिको भवन निर्माणनार्थ युरोपको लक्जबर्गबाट जितु थापा र दुर्गा केसीले प्रदान गरेको ब्यक्तिगत ५० हजार रुपैयाँ आर्थिक सहयोग प्रदान गरिएको थियो ।
0 comments
Write Down Your Responses
Note: Only a member of this blog may post a comment.